16.05.24
2024 жылы 15 мамырда «Қазақмыс» корпорациясының Политехникалық колледжі мектеп оқушыларына және қала қонақтарына есігін айқара ашты. Онда кәсіптік бағдар беру аясында орта мектеп оқушыларына арналған «Ашық есік күні» өткізіліп, оқушылардың колледж тыныс-тіршілігімен, мамандықтарымен және оқыту перспективаларымен танысуына жағдай жасалды. Осы іс шараға мектептердең 328 оқушы келіп ақпарат алды.
Сондай-ақ, бұл күннің айрықша оқиғасы «Мамандық жәрмеңкесі» болды, мұнда колледж студенттері өз мамандықтары жайлы ерекше ықыласпен әңгімелей отырып, оқу тәжірибелерімен бөлісті, болашақ талапкерлердің сауалдарына жауап берді.
Мамандық жәрмеңкесі – кәсіптік бағдар беру ғана емес, сонымен қатар оқушылардың мамандық әлемі жайлы жан-жақты ақпараттануына, кәсіби мамандармен танысуларына және өз болашағына қадам басуына мүмкіндік береді.
Сонымен қатар, МжБ ПЦК әдістемелік апталығы аясында ұйымдастырылған аймақтағы белді оқу орындары («А.Мусин атындағы Балқаш гуманитарлық-техникалық колледжі» КМҚК, «Қарағанды индустриалды университеті» КЕАҚ, «Теміртау жоғары политехникалық колледжі» КМҚК, Торайғыров университеті, Әбілқас Сағынов атындағы Қарағанды техникалық университеті, «О.А.Байқоңыров атындағы Жезқазған университеті» АҚ) студенттерінің қатысуымен өткізілген ПТК 2024 кейс –чемпионатының ашылуы да маңызды орын алды.
Кейс-чемпионаты – бұл, қатысушылар өндірістегі нақты проблемаларға байланысты кейсты шешетін жарыс.
Чемпионаттың мақсаты-студенттердің сыни және креативті ойларын, шығармашылық қабілеттерін дамыту, дәріптеу және инженердің оң имиджін қалыптастыру.
Сондай-ақ, ЖОО өкілдері өз университеттерін, олардың оқу бағдарламалары мен болашақта кәсіби тұрғыда даму мүмкіншіліктерін таныстырып, ПТК бітіруші топтарымен кәсіптік бағдар беру бағытында кездесу өткізді.