02.03.2023
02.03.2023 күні Қарағанды облысы бойынша «ТжКББ ұйымдарында химия, биология пәндерін оқытудағы өзекті
мәселелер мен ерекшеліктер» атты облыстық семинар болды. Семинарға «Қазақмыс корпорациясының политехникалық
колледжінің химия пәнінің оқытушылары Медянова Алмагуль Муратбековна, Мұқаметжанова Жанар Дәуренқызы және Отыншин Тоимбек қатысты.
2023 жылғы 3 наурызда жаратылыстану – ғылыми сауаттылық апталығы аясында 1 курс топтары арасында «Химия және биология әлеміне саяхат» викторинасы өтті.
Викторинаның мақсаты: студенттердің химия мен биологияға деген қызығушылығын арттыру, сабақта алған
білімдерінің интеллектуалдылығын арттыру, жарыс кезінде ұжымдық қарым-қатынас дағдыларын қалыптастыру.
Өз бетінше іздеу, шығармашылықпен айналысу, алған білімдерін пайдалану, ептілік пен тапқырлықты дамыту.
Викторинаны химия пәнінің оқытушылары Медянова Алмагуль Муратбековна, Мұқаметжанова Жанар Дәуренқызы және
Отыншин Тоимбек өткізді. Викторинаға 1 курстың әр тобынан 2 студент, барлығы 18 студент қатысты.
Зияткерлік марафон қорытындысы бойынша химия және биология бойынша терең білімі үшін Т-22-9к тобы 1 орынды,
МЦМ-22-9к тобы 2 орынды, ТМ-22-9к тобы 3 орынды иеленді.