17.03.23
Бүгін, колледжімізде ТЭ-20-09-1 тобы мен ТЭ-21-09 тобы студенттерінің ұйымдастыруымен жер бетіне жақсылық ұялаған,
жер ананың тоң кеудесі жібіп, алтын арай нұрын төккен, ұлы дала елінің рухани құндылығы - Ұлыстың ұлы күніне мерекелік іс-шара өтті.
Кеш барысы жақында ғана колледжімізде жаңадан тыныс алып, жоғарғы санатты музыка мұғалімі Қайрат Кәрібекұлы Науанбаевтың
жетекшілігімен құрылған «Жігер» музыкалық оркестрінің музыкалық композицияларымен бастау алып, әуезді әндер мен заманауи билермен жалғасын тапты.
Қызықты кештің барысынан “Армысың, Әз-Наурыз” фестивалі аясында өткізілген түрлі байқаулар мен ұлттық спорт ойындарының
нәтижесі белгіленіп, жеңімпаздарды марапаттау сәті де орын алды.
Мерекелік сахнада көнеден келе жатқан “Аластау” салт-дәстүрімен қоса ұйымдастырушылар тарапынан көңілді
көрініс те көрсетіліп көрерменнің көңілінен шықты.
Әз-Наурыз құтты болсын, қазақ елі!