оқу үрдісіне бейімдеу шаралары

3.10.2022ж. бастап 17.10.2022ж. дейін бірінші курс студенттерін оқу үрдісіне бейімдеу 
шаралары аясында колледж психологы Садуақасова Ж.С. жаңадан қабылданған 9 топ арасында 
психологиялық тренинг өткізді.
«Бірінші курс студенттерінің бейімделуі – оқу қызметі мен қарым-қатынастың жаңа жағдайларына 
бейімделудің күрделі процесі. Бірінші курс студенттерінің сәтті бейімделуі үшін жаңа ұжымда 
оқудың алғашқы күндерінен бастап жағымды эмоционалдық фон, белсенді өмір сүруге жағдай жасау, 
ұжымда достық қарым-қатынас жасау маңызды. Әлеуметтік-психологиялық климатты жақсарту, топтық 
қарым-қатынастың жағымды нормаларын қалыптастыру топтың бірлігін арттыру, ұжымды дамыту үшін 
ғана емес, сонымен қатар оқу іс-әрекетінің табысты болуы үшін де маңызды».
Колледж психологы балаларға топтық бірлікке психологиялық тренингтер әзірлеп, ұйымдастырды. 
Студенттерге әр түрлі жағдаяттық тапсырмалар берілді, сұрақтар қойылды, тренингке қатысушылар 
серіктестік қарым-қатынас нормаларын, топта жұмыс істеу дағдыларын дамытуы, олардың арасында 
сенімді қолайлы атмосфера мен ортақ коммуникативті мәдениетті қалыптастыруы тиіс шығармашылық жаттығулар жасалды.
Тренинг нәтижесінде әр студент өзінің даралығын көрсетті, студенттер бір-бірін жақсы танып, 
тату ұжым болып жиналды, ең бастысы топ белгілі бір ситуациялық сәттерде ең жақсы, дұрыс 
шешім қабылдауға үйренді. Қамту 142 адамды құрады.