Бүгін 18.05. күні оқу орнымызда “Жігер” студенттік парламентінің “Жұлдыз” дебат клубының бастамашылдығымен Балқаш қаласының 85 жылдық мерейтойына орай ұйымдастырылған “Келешектің тұтқасы білімді ұрпақтың қолында” атты оқытушылар мен оқушылар арасында қалалық пікір-сайыс турнирі өтті. Турнирге қаланың әр оқу орнынан дарынды оқушылар мен студенттер келіп қатысты. Нәтижесінде ой ұшқырлығы, тапқырлығы және ұтымды сөзімен көзге түскен үздіктер алға шығып, жеңімпаздар анықталды. Пікір сайыс өз деңгейінде қызықты әрі тартысты өтті. Жиын соңында жеңімпаздар бағалы сыйлық және дипломдармен марапатталды. Марапаттауға Балқаш қаласы ішкі саясат бөлімінің басшысы Е.Беркенов қатысты.