Дәстүрімізге айналған Ұлыстың Ұлы күні – Наурыз мейрамы! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Барлық ел үшін маңызды көктем мейрамы колледжіміздің дәстүрлі іс-шараларының бірі болып табылады. Бүгін колледжімізде “Армысың, әз Наурыз!” атты фестиваліміздің екінші күні жалғасын тапты. Колледж қызметкерлері, оқытушылары мен студенттері спорттық жарыстарда өздерін сынап көрді, қолөнершілердің таңғажайып туындыларын тамашалады, хош иісті және керемет ұлттық тағамдардан дәм татты. Мереке ұлттық спорт жарыстарынан басталды, оның ішінде арқан тарту, гір тасын көтеру, асық ату ұйымдастырылды. Іс-шара барысында сонымен қатар бауырсақ пісіруден топ студенттері арасында байқау өтті. Мереке жоғары деңгейде сәтті өтті! Керемет қойылымдар, билер, спорттық жарыстар өткізілді. фестиваліміздің қорытындысы бойынша үздіктер анықталып марапатталды. Сонымен қатар Жастар ресурстық орталығы ұйымдастырған қалалық байқаудың қорытындысы мен марапаттауы өтті. Әрбір колледжден қонақтар келіп іс-шараны тамашалап, керемет көңіл-күйде қайтты. Әрбір адам үшін Наурыз мейрамы-жылдың ұмытылмас оқиғасына айналды деген сенімдеміз!